Landloop

Geskryf deur Pieter Bos

Saterdag, 05 Junie 2010 14:35

Die afgelope Saterdag het drie van Reformia se leerders deelgeneem aan ŉ vriendskaplike landloop byeenkoms by Laerskool Raslouw. Dit was ŉ koel maar mooi en sonnige oggend en vir die atlete wat die uitdaging aanvaar het was dit vroeg uit die vere. Opening was reeds om agt-uur en die eerste groep het half-nege weggespring. Vir die kleiner outjies was daar ŉ twee kilometer afstand. Die groter kinders het die drie- of vierkilometer afstand aangedurf. Dan was daar ook ŉ vyf kilometer item waaraan selfs die ouers kon deel neem.
Vir die wat nie so fluks was nie was daar gelukkig ook lekker warm koffie en pannekoek aangebied. Soos by enige sport is die aanmoediging van die toeskouers net so belangrik om daardie laaste ekstra uit elke atleet te kry.
Dankie vir die ouers wat so getrou is, nie toelaat dat die koue hulle onder kry nie en so mooi hulle kinders by hierdie geleenthede ondersteun
Foto's